Ministri i Brendshëm paraqet padi në prokurori për paisjen përgjuese
Një paisje përgjimi ka gjetur ministri i Brendshëm, Saimir Tahiri, në zyrën e tij. Ministri i Brendshëm ka bërë padi në prokurori për këtë çështje. Pajisja pretendohet se është gjetur në vendin ku ishte e vendosur grirësja e letrave në zyrën e ministrit. Prokuroria ka nisur hetimet për të identifikuar llojin e pajisjes dhe se kush mund ta ketë përgjuar ministrin e Brendshëm.
Burimet thonë se i dyshuar për këtë çështje është zëvëndësministri i Brendshëm, i cili është emëruar nga aleatët në koalicion, LSI.
Pak javë më parë, ish-kryeministri Berisha deklaroi se në zyrën e ministrit të Brendshëm ka një përgjues.
