Ministrja sllovene e Punëve të Jashtme Tanja Fajon është pritur në zyrën e kolegut të saj Bujar Osmani në Shkup me nderime të larta, por me flamur të gabuar.
Në tavolinën mes dy ministrave ishin vendosur flamuri sllovak dhe ai i Maqedonisë së Veriut. Nuk dihet nëse Fajon e ka vërejtur gabimin dhe nëse ka reaguar ndaj kolegut të saj Osmani.
Flamujt e dy vendeve janë të ngjashëm, fillojnë me të bardhë, blu, pastaj të kuqe. Dallimi është në stemën, e cila është kryesisht blu në flamurin slloven, dhe e kuqe në flamurin sllovak.
Në njoftimin zyrtar të Ministrisë Për Punë të Jashtme (MPJ) për takimin e Osmanit me Fajon, nuk është dërguar foto nga takimi në kabinet, por nga konferenca për media, ku të dy flamujt janë të saktë.
