Rama i është përgjigjur shpejt letrës së kryetarit të opozitës, Lulzim Basha, i cili i kërkon kryeministrit të pranojë Paketën e McAllister për zgjidhjen e krizës si propozim i plotësuar nga SHBA.
“Mos fol në emër të SHBA, se flasin vetë, lëri letrat publike, mos u fshih pas McAllister, fokusohu tek propozimet që ke në tryezë”, shkruan Rama në twitter.
Me sa duket nuk ka asnjë shenjë konsensusi për të zgjidhur krizën politike, edhe pas pranimit të Paketës McAllister nga opozita. Ndërkohë, ambasadori amerikan Donald Lu vazhdon “vrapin” nga zyra e Bashës tek e Ramës e anasjelltas në përpjekje për t’i ulur shqiptarët në një marrëveshje.
