Përbërësit:
250ml qumësht,
250ml pana për ëmbëlsira,
100gr çokollatë të zezë,
100gr sheqer,
2 të verdha vezësh,
1 lugë miell.
Përgatitja:
Vendosim një tenxhere çeliku (jo alumini!) në akull.
Si fillim, vëmë çokollatën e zezë për t’u shkrirë në një enë në zjarr të ngrohtë.
Ndërkohë ziejmë qumështin bashkë me miellin për disa minuta duke i përzierë vazhdimisht derisa të formohet një përbërje kremoze jo shumë e trashë. E heqim nga zjarri, shtojmë dalëngadalë çokollatën e shkrirë duke vazhduar përzierjen me kujdes, mbulojmë sipërfaqen me letër alumini në mënyrë që të mos zërë një shtresë të holla dhe e lëmë përbërjen të ftohet në temperaturë ambienti.
Rrahim me ndihmën e një mikseri të verdhat e vezëve me sheqerin për disa minuta derisa të përftojmë një masë me ngjyrë të hapur.
Kur përbërja me çokollatë të jetë ftohur, shtojmë në tenxhere edhe vezët me sheqerin duke i përzierë mirë dhe i vendosim të gjitha në zjarr shume të ngadaltë.
Në këtë fazë duhet të përftojmë një krem të cilin e lëmë të ftohet përsëri dhe vetëm kur të jetë ftohur plotësisht, shtojmë panën për ëmbëlsira duke e rrahur edhe për pak minuta me mikser.
E hedhim kremin në tenxheren e çelikut që kemi vënë paraprakisht në akull dhe ky është momenti kyç i të gjithë procedurës. Akullorja duhet të përzihet të paktën 6 herë në 3 orë, pra çdo 30 minuta për 3 orët e para, në mënyrë që të thyhen kristalet e akullit që formohen në fillim, të ngrijë uniformë dhe të qëndrojë kremoze. E lëmë në frigorifer edhe për 5 orë të tjera apo më mirë gjithë natën.
