Kryeministri Edi Rama ndodhet sot në një takim në Lushnje. Gjatë fjalës së tij, kreu i qeverisë sulmoi dhe Partinë Demokratike, duke thënë se është bërë si mall që kthehet në pikë grumbullimi.
Madje, Rama ndër të tjera kujtoi dhe një thënie të gjyshes së ndjerë.
“Thoshte gjyshja ime; komshi i lumtur, shtëpi e lumtur. Zhvillimi i pikave të grumbullimit në Lushnjë, ka bashkuar totalisht PS me PD. S’mund të vijë politika të bëjë punët këtu. Të futen mollët në sherrin politik. Më vjen mirë që të gjithë grumbulluesit, edhe ata të PD po ia marrin PS dhe qeverisë së saj produktin. Perfekt. Aq më tepër sot kur kuptohet se PD është bërë si ato mallrat që ta kthen pika e grumbullimit.”, tha ai.
