Video e kryebashkiakut të Bulqizës, Lefter Alla duke thithur kokainë ka marrë mjaft komente dhe reagime të ashpra si nga ana e politikanëve por edhe nga postimet në rrjet.
Por ata që kanë refuzuar të komentojnë janë kryesisht deputetët socialistë. Të pyetur nga gazetarja Esiona Konomi, deputetët janë vënë në siklet dhe e kanë kaluar me të qeshura dhe reagime komike.
Batuta të forta ka lëshuar Ilir Beqaj i cili largohet me vrap dhe më pas kthehet duke thënë “jam i gjatë, s’më kap kamera”.
Akoma më të fortë e ka batutën socialisti Bujar Çela i cili thotë se “jam nga Lushnja, s’di gjë”.
Por nuk mungon as reagimi i Ulsi Manjës, i cili shprehet se “çdo lloj përgjegjësie është indivuale, PS është e qartë që ditën që ka votuar ligjin e dekriminalizimit se nuk mbron askënd”.
Ndërsa deputetja e zonës së Dibrës, Almira Xhembulla përpiqet ta mbrojë Allën, duke thënë se ” këto historitë e videove e kanë marrë përgjigjen në gjykatë”. Edhe Rreme Lala e Dibres kërkon ta kalojë “no coment”.
