Shtohet sërish numri i të prekurve me Covid-19 në Qarkun Shkodër. Raportohet se dy persona të tjerë në Vau Dejës rezultuan pozitiv me koronavirus.
Të prekurit janë familjarë të 35-vjeçarit i cili iu shtua dje listës së të prekurve në Qarkun Shkodër.
Nëna dhe kunata e 35-vjeçarit kanë rezultuar pozitiv duke bërë që numri i të prekurve në këtë qark të shkojë në 8 raste.
Gjatë 24 orëvë të fundit janë konstatuar 11 raste të reja duke e çuar numrin total të të prekurve në 197, ndërsa deri më tani kanë ndërruar jetë 10 persona.
Tirana mbetet rrethi më i prekur nga koronavirusi me 113 të prekur, i ndjekur nga Fieri me 21 raste si edhe Korça me 12 raste.
