Policia holandeze ka sekuestruar një sasi prej 13 kg kokainë në Amsterdam, ndërsa në pranga kanë përfunduar dy shqiptarë.
Gjithashtu, policia ka gjetur 1.3 milion euro para të gatshme të fshehur në një hapësirë të fshehtë në një gomë rezervë të një makine.
Një 32 vjeçar nga Shqipëria, ishte një nga tre personat e arrestuar javën e kaluar për drogë.
Policia arrestoi edhe dy të tjerë, një burrë 36 vjeçar dhe një grua 20 vjeçare, pas një bastisje në një shtëpi në lagjen “Slotervaart”.
Nga bastisja u gjetën edhe 40 mijë euro para të gatshme.
Gruaja është liruar me kusht, ndërsa dy burrat do të qëndrojnë në qeli për shkak se akuzohen për trafikun e drogave të forta dhe pastrimit të parave.
Mediat vendase shkruajnë se tre të arrestuarit janë nga Shqipëria.
