Rusia vazhdon të mohoj masakrën që po kryen në Ukrainë me tentativën për zbehur pasojat që rëndojnë mbi të. Por, ditën e sotme Shqipëria së bashku me SHBA, Britaninë e Madhe, Francën, Irlandën dhe Norvegjinë kanë akuzuar hapur Rusinë për krime lufte në Ukrainë, pasi Parisi zyrtar thotë se Vladimir Putin nuk ishte i interesuar realisht të negociojë mbi një marrëveshje paqeje.
Gjashtë vendet sfiduan Rusinë përpara një takimi të Këshillit të Sigurimit të OKB-së, ndërsa sekretarja e jashtme britanike, Liz Truss, tha se tani ka prova shumë, shumë të forta të krimeve të luftës që kryhen nga forcat ruse.
“Vladimir Putin është pas tyre. Përfundimisht është një çështje që i takon gjykatës penale ndërkombëtare të vendosë se kush është apo jo kriminel lufte dhe që ne të sjellim provat“, tha Truss. Sekretari amerikan i shtetit, Antony Blinken, tha se ishte dakord me Joe Biden se krimet e luftës ishin kryer në Ukrainë, duke shtuar se ekspertët amerikanë ishin në proces të dokumentimit dhe vlerësimit të krimeve të mundshme të luftës.
