Duket se vendi ynë nuk po gjen qetësi, teksa këtë të martë janë raportuar të shtëna me armë zjarri në lagjen numer 13 ne Durrës.
Mësohet se nga të shtënat nuk ka persona të plagsour. Policia ka shkuar menjëherë në vendngjarja dhe ka arrestuar autorin e ngjarjes.
“Pasditën e sotme, në lagjen numër 13 në Durrës ka pasur një konflikt dhe dyshohet se më pas konflikti ka përfunduar në përdorimin e armëve. Nuk raportohet për persona të lënduar. Siç shihet nga pamjet një person është shoqeruar nga Policia. Sipas informacioneve të para, një konflikt i çastit ka përfunduar në përdorimin e armëve. Deri më tani nuk ka informacion kush janë të përfshirë apo si ka qenë situata,” raportoi gazetarja në Durrës, Kloida Gjuzi.
Ditën e djeshme dy ngjarje të rënda tronditën vendin tonë, teksa një person u vra në Vlorë dhe një tjetër në Tiranë.
Në Vlorë, biznesmeni Bledar Birccaj u ekzekutua në automjetin e tij tip X5, ku po udhëtonte së bashku me një polic. Dy persona të maskuar i prenë rrugën dhe e qëlluan për vdekje teksa ecte. Pasagjeri nuk u lëndua.
Në mbrëmje, një tjetër ngjarje tronditi vendin. I riu Mehmet Qema mbeti i vrarë pasi shoku i tij Marjus Dema e qëlloi me një plumb në gjoks. Dema mësohet se ka deklaruar para policisë se ngjarja ka qenë aksidentale dhe se po luante me një armë që kishte gjetur Qema.
