Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Shqipëria hap kampet e refugjatëve/ Vijnë sirianët e parë, ja ku vendosen

Nga 27.al 0

50 refugjatët e parë sirianë arritën në qytetin e Gjirokastrës këtë të shtunë, pasi autoritetet shqiptare kanë nisur përgatitjet për krijimin e gjashtë qendrave të pritjes për emigrantët sirianë në rast të një fluksi.

Grupi gjithashtu përfshin anëtarët e një familje emigrantësh palestinezë. Refugjatët strehohen në Qendrën e Pritjes në Gerhot, rreth dy kilometra në veri të Gjirokastrës. Siranët që kanë mbërritur janë të të gjitha moshave, por kryesisht familje me shumë fëmijë.

Fluksi i refugjatëve në vendet fqinje si Greqia pas hapjes së kufirit nga Turqia bëri që autoritetet shqiptare të planifikonin krijimin e qendrave të pritjes, raporton “Albanian Daily News”.

Prej pak ditësh pas një lajmi të hedhur si para-pritë apo testim nga televizioni pro qeverisë, Top Channel, është rikthyer edhe debati me gjithë planin e para dy viteve. Deri më tani mësohet se qeveria Rama ka rënë dakord, që si fillim të presë deri në 30 mijë refugjatë luftë në vendin tonë.

syri.net ka mësuar se është riaktivizuar edhe Grupi i Punës që u ngrit verën e vitit 2018, i cili po punon me shpejtësi në fshehtësi të plotë. Kështu mësohet se ka nisur ngritja e qendrave të pritjes dhe kampeve në:

– Gjirokastër (Arshilengo);  kapaciteti akomodues afërsisht 5000 persona, përfshi këtu të gjithë emigrantët që mund të hyjnë në këtë Qark.

– Korçë (Pocest) afërsisht 5000 persona; Floq afërsisht 3000 persona.

– Sarandë (Krane); afërsisht 1000 persona.

Të gjitha këto qendra do të jenë si “vendgrumbullime” emergjente afër kufirit me Greqinë dhe Maqedoninë e Veriut, por Grupi i Punës po punon edhe për kampe më të stabilizuar dhe të planifikuar si jetëgjatë, në brendësi të territorit të Shqipërisë.

Kështu po punohet për ngritjen e qendrave të pritjes dhe kampingjeve, për mijëra migrantë të huaj, edhe në thellësi të territorit:

– Në Gjadër/Lezhë, kapaciteti afërsisht 5000.

– Në Mjekës, Krastë dhe NSHU tek rruga e Zaranikës /Elbasan, kapaciteti 5000 – 10000 persona.

Bien në sy që kampet jetëgjatë po ngrihen afër zonave të prekura nga tërmeti dhe kjo përkon me planin e Edi Ramës (siç është deklaruar shpesh së fundmi) për të përdorur punëtorë të huaj në rindërtim. Duket se e gjitha ka qenë e paraplanifikuar, pasi për këtë qëllim ndryshoi edhe ligjin për të huajt, të cilët kërkojnë të punësohen në vendin tonë.

Gjithashtu, janë bërë gati edhe pritja, grumbullimi, regjistrimi dhe dhënia e ndihmës së parë shëndetësore, në pikat e hyrjes në territorin e Republikës së Shqipërisë.

Ato do të jenë në Kakavijë, Sopik, Qaf Botë, Rrips, Tre Urat, Leskovik, Shtikë, Kapshticë.

Ndërkohë që në terren gjithçka po ecën me shpejtësi, kryeministri Edi Rama, po e mban të fshehtë gjithë këtë operacion, i cili ka impakt direkt te banorët e zonave, ku do të ngrihen kampet. Madje, nuk ka denjuar që të vërë në dijeni, as këtë gjysmë-parlament që kemi.

syri.net ka mësuar gjithashtu, se i gjithë ky projekt është ofruar i gatshëm që në Bruksel, gjatë ditëve, kur “specialistët” e Ramës me në krye ministrin e Rindërtimit, Arben Ahmetaj, lobonin për Konferencën e Donatorëve, me rastin e ndihmave për tërmetin.

Ndihma surprizë në kredi të buta dhe grante në shifrën rekord prejt 1.15 miliard euro, duket se ka qene një “thelë e majme”, por me një “bisht prapa” për Shqipërinë. Njëkohësisht thuhet, se Edi Ramës me këtë rast i është premtuar edhe hapja e negociatave këtë pranverë, gjë që ai e kërkon me këmbëngulje për ta përdorur si një “flamur dhe top” në politikën e brendshme dhe për të mbajtur në këmbë sa më gjatë qeverisjen e dështuar e të inkriminuar, deri në rrënim.

/A.R. syri.net/

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej