Ndërkohë që thuajse i gjithë vendi është paralizuar si shkak i protestave antiqeveritare, me karakter ekonomiko-social, kryeministri Edi Rama, ka reaguar sërish në twitter.
Ndryshe nga ç’pritej, kthimi i përgjigjes ndaj studentëve protestues të cilët i kishin dhënë ultimatum deri në orën 16:00, Rama është marrë me opozitën, ndërsa i quan protestat në rrethe si të organizuara nga Partia Demokratike.
Ai shkruan:
“Eh, Artist si e katandise opozitën! Të rinjtë e PD maskohen si studentë se ndryshe i përzënë; dega e Fierit zë rrugën me jelekë të verdhë sikur i merr porositë nga Parisi;bashkia e Kukësit shfaqet si grup biznesmenësh të vegjël që duan dyqan pa kasë; ndërsa ti vetë të Astir Boja“.
Ndërkohë para Ministrisë së Arsimit, studentët brohorasin “Jemi të bashkuar!”, ndërsa një grup prej tyre janë drejtuar ashtu siç kishin paralajmëruar drejt “Zogut të Zi”. Ende nuk dihet nëse ata do të marshojnë drejt Kryeministrisë, apo do të bllokojnë qarkullimin në të gjithë pikat kyçe të Tiranës.
