Kryetari i PDIU-së, paralajmëron fillimin e një lëvizje të mirëfilltë kundër ndërtimit të memorialit të ushtarëve grekë në tokën shqiptare
Kryetari i PDIU-së, Shpëtim Idrizi, kërkoi sërish nga mazhoranca në Kuvend dhe kryesisht nga Partia Socialiste, të ndalë ndërtimin e varrezave greke në Shqipëri. Në fjalën e tij në Parlament, Idrizi i kujtoi Partisë Socialiste që të zbatojë atë rezulotë për Çamërinë që vetë e ka miratuar, kur ishte në opozitë. Kreu i PDIU-së paralajmëroi se do të ndalë ndërtimin e varrezave greke në Shqipëri në bashkëpunim me gjithë patriotët shqiptarë dhe shoqërinë civile.
Pak ditë më parë, kryetari i PDIU-së i bëri thirrje qeverisë dhe veçanërisht ministrit të Jashtëm, Ditmir Bushati, të kërkojë nga pala greke zgjidhjen e çështjes çame. Gjatë vizitës në Greqi, ministri i Jashtëm Bushati nuk e përmendi specifikisht çështjen çame, por kërkoi nga pala greke heqjen e ligjit të luftës.
“Nëse nuk merren masa për ndërtimin e varrezave për çamët e masakruar nga Napolon Zerva në Gumenicë, ne nuk do të lejojmë ngritjen e varreve greke në Shqipëri”, ka deklaruar nënkryetari i Kuvendit, Shpëtim Idrizi.
