Kryetari i PDIU-së, Shpëtim Idrizi ka shpjeguar krizën politike artificiale që po kalon Shqipëria, i ftuar në emisionin “Çim Peka live” në Syri TV.
“Edi Rama bën veprime të dëshpëruara, sepse në të gjitha sondazhet është humbës dhe kryeministër në ikje.
Mendoj se jemi në një moment të rëndë të demokracisë shqiptare. Rama pasi ka kapur të gjitha institucionet, tani kërkon që të kapë edhe zgjedhjet.
Ne kemi se çfarë t’i ofrojmë shqiptarëve.
Është luks që Sekretari i Shtetit të kërkojë kodifikimin apo edhe reagimin e Komisionerit të BE-së, që kërkon votimin e marrëveshjes”.
I pyetur se çfarë do të bëjë opozita, në rast se Edi Rama çmendet dhe e shkel Marrëveshjen, Shpëtim Idrizi përgjigjet:
“Ajo që doja të ju thoja është se opozita shqiptare është shumë e përgjegjshme dhe nuk mund të nxitohet sot të thotë se çdo të bëjmë ne, nëse do të ndodhë kjo apo ajo.
Ne po e ndjekim situatën, por kësaj radhe ndërkombëtarët e panë dhe e kuptuar se kush është Edi Rama dhe pse opozita i dogji mandatet.
Ndjekja e dinamikës i jep edhe përgjigjen pyetjes tuaj: ne do të jemi bashkë në zgjedhje”.
https://www.facebook.com/portali.syri.net/videos/1196831997324785/?v=1196831997324785&external_log_id=2ba7105e-7990-42cd-b37a-2fc127326912
