Kreu i PDIU, Shpëtim Idrizi ka folur për projektin opozitar të partisë që ai udhëheq, i ftuar në emisionin “Kjo javë” me Nisida Tufën në News24.
Shpëtim Idrizi u shpreh që mandatet e PDIU janë vjedhur nga kjo shumicë gjatë zgjedhjeve, kurse PDIU nuk ka qenë ndonjëherë pjesë e qeverisjes. Idrizi tha se Çështja Çame është lënë jashtë diskutimeve mes Greqisë dhe Shqipërisë.
“Flitet për një ikje nga PS… ne nuk kemi ikur nga askush. Ne nuk jemi pjesë e qeverisjes. Mandatet e PDIU janë vjedhur nga kjo mazhorancë… Ne u goditëm nga kjo mazhorancë me mandatin e Tiranës dhe të Fierit.
Ne prisnim të zgjidhej Çështja Çame, ndërsa mes palëve diskutohej, nëse duhet të ishte apo jo Çështja Çame në bisedime. Pra, lënia jashtë e Çështjes Çame është e papranueshme. Bushati nuk kërkon të na takojë për Çështjen Çame. Një shtet rrumpallë edhe po të dojë ta marrë baba im pasaportën, nuk e arrin dot.”
