Shpallja e Berishës “non grata”, Rama: Unë di shumë gjëra (film)

0
376
Ish kryeministri Sali Berisha dhe kryeministri Edi Rama, gjate nje seance parlamentare, ku eshte debatuar ne lidhje me ceshtjen e CEZ. /r/n/r/nFormer Prime Minister Sali Berisha and Prime Minister Edi Rama, during a parliamentary session.

Ishte viti 2019, kur kryeministri Edi Rama deklaronte nga foltorja e Kuvendit që Sali Berisha nuk e kalon dot oqeanin për të shkuar në Shtetet e Bashkuara të Amerikës. Pikërisht kështu rezultoi dhe pak kohë më parë ish-kryeministri Sali Berisha u shpall “non grata” nga Departamenti Amerikan i Shtetit.

I ftuar në emisionin “Open” kryeministri Edi Rama ka reaguar për herë të parë lidhur me shpalljen “non grata” të ish-kryeministrit, Berisha.

“Për shkak të detyrës, unë di edhe gjëra të tjera”,- tha Rama.

Gjithsesi, ai nuk ka dashur të bëjë komente të tjera, megjithëse ka theksuar që shpallja “non grata” e Berishës ka ardhur direkt nga SHBA dhe jo nga ndonjë lobim i mundshëm.

“S’kam asnjë koment për shpalljen e tij “non grata”, çdo koment e politizon këtu brenda, ndërkohë që kjo nuk është politikë e brendshme, sikur SHBA dhe DASH të funksiononin me lobime, imagjinoni sa diktatorë me arka me flori e diamantë mund ta kishin blerë Amerikën. Ata mund të blejnë, por nuk blihen. Lobimi atje janë ca fotografi me kongresmenë, disa prej tyre nuk e kanë haberin kush është Shqipëria, ndonjë artikull këtu e atje… nëpërmjet të gjithë miliarderëve, nuk funksionon kështu, sepse po të ishte ashtu do të ishin si ne, si gjithë të tjerët. Nuk ndodh, është një përrallë që ua tregon atyre që e besojnë, duke përfituar nga padija, injoranca. Nuk ndodh”,- shtoi më tej Rama.