Një fabrikë e madhe e prodhimit të dyshekëve është shkrumbuar nga zjarri në qytetin e Kavajës ndërsa shkak dyshohet një shkendijë elektrike.
Mësohet se fabrika e dyshekëve është në pronësi të kryebashkiakut të Kavajës Redjan Krali, dhe ndodhej në lagjen numër 5 të qytetit.
Zjarri ka shkaktuar dëme të shumta materiale si dhe ka marrë përmasa të mëdha nisur dhe nga produktet që ndodheshin në fabrikë.
Ndërkohë policia dhe forcat zjarrfikëse ndodhen në vendin e ngjarjes dhe po punojnë për shuarjen e flakëve.
Gjithashtu, nga forcat e Policisë po bëhet evakuimi i banorëve të zonës pasi rrezikohen objektet që janë pranë fabrikës.
Në momentin që kanë shpërthyer flakët, fabrika ka qenë e mbushur me punëtorë të cilët fatmirësisht kanë arritur të dalin me shpejtësi nga godina,
Tiranë/Informacion Paraprak
Rreth orës 19:10 në rrugën nacionale Kavajë-Rrogozhinë fabrika në administrim të shtetasit Gj. K, është përfshirë nga flakët, ku si pasojë ka veç dëme materiale.
Policia dhe shërbimi i zjarrfikses kanë shkuar menjëherë në vendngjarje.
Paraprakisht dyshohet se zjarri është aksidental.
Grupi hetimor ndodhet në vendngjarje, ku po vijon punën për sqarimin e rrethanave të ngjarjes dhe shkakut të rënies së zjarrit.
Pamje nga flaket qe kane perfshire fabriken e kryebashkiakut Redjan Krali:
