Shkon në 332 numri i të vdekurve pas tërmetit të rënë në kufirin mes Irakut dhe Iranit. Ndërkohë 2500 të tjerë janë të plagosur pas tërmetit të fuqishëm 7.3 ballë.
Ekipet e shpëtimit janë dërguar në zonat e prekura nga tërmeti, nga ku raportohet për dëme në të paktën 8 fshatra.
Tërmeti gjithashtu ka sjellë ndërprerjen e energjisë elektrike për shumë zona, ndërsa autoritetet po nxitojnë që të zbulojnë shkallën e vërtetë të dëmeve. Tërmeti i fuqishëm është ndierë në disa vende, si Pakistani, Libani, Kuvaiti dhe Turqia.
