Janë tre persona të plagosur në atentatin e ndodhur mesditën e sotme në Shkodër.
Objektivi ka qenë një djalë që ishte i shoqëruar nga një vajzë.
Të dy këta kanë mbetur të plagosur nga plumbat, ndërsa personi i tretë që është plagosur ka qenë kalimtar i rastësishëm.
Personat e plagosur janë identifikuar si: Doni Lisi, Elona Çurku dhe Enrik Prenushi.
Doni Lisi mësohet se ndodhet në gjendje të rëndë në spitalin e Shkodrës.
Ndërkaq autori është identifikuar sipas policisë dhe është me inicialet T. L., 32 vjeç nga Shkodra dhe po udhëtonte me një makinë “Golf”.