Numri i tregtarëve që kanë rënë pre e kësaj bande është mbi 350
Policia e Shkodrës ka arrestuar sot dhe 2 pjestarët e tjerë të grupit kriminal që u vinin gjobave tregtarëve në Shkodër. Tashmë shkon në 9 nurmi i të arrestuarve.
Ata janë:
1. Ibrahim Lici, 24 vjeç, banues ne lagjen Guerile, Shkodër.
2. H. L, 16 vjeç, banues në lagjen Guerile, Shkodër.
Ndrësa dje u arrestuan:
1. Muhamet Mustafa Lici, i vitlindjes 1992, lindur dhe banues në Lagjen “Guerrile” Shkodër , i dënuar më parë me 4 vjet e 8 muaj burgim për veprën penale të “Prodhimit dhe mbajtje pa leje të armëve dhe municionit luftarak ”, parashikuar nga neni 278/2/5 të K. Penal.
2. Abedin Eljaz Bajraktari, i vitlindjes 1990, lindur dhe banues në lagjen “Guerrile” Shkodër , në gjendje gjyqësore “i dënuar”.
3. Denis Zaim Skutina, i vitlindjes 1993 , në Shkodër dhe banues në Lagjen “Naim Gjylbegu”, Shkodër.
4. Shtetasi G.S, i vitlindjes 2000, lindur dhe banues në Lagjen “Naim Gjylbegu”, Shkodër.
5. Besmir Merzuk Domnori, i vitlindjes 1993, lindur dhe banues në Lagjen “Qemal Stafa” Shkodër.
6. Gëzim Ragip Vajushi, i vitlindjes 1960, i lindur e banues në lagjen “Ahmet Haxhia”, i dënuar.
7. Fatmir Vehbi Dibra, i vitlindjes 1964, lindur dhe banues në lagjen “Kongresi i Përmetit”, Shkoder.
Kjo bandë ishte kthyer në tmerrin e tregtarëve të Shkodrës pasi ata u merrnin para në formën e gjobave çdo fund muaji. Numri i tregtarëve që kanë qenë të detyruar të paguajnë këto shuma mujore është mbi 350.
Këta shtetas akuzohen për veprat penale “Shtrëngim me anën e kanosjes për marrjen e pasurisë”, “Krijim të grupit strukturuar kriminal” dhe “ Kryerjes së veprave penale nga grupi i strukturuar kriminal”,
Sipas Policisë, ky grup në bashkëpunim me njëri-tjetrin, duke shfrytëzuar rrezikshmërinë kriminale që ata paraqesin, me anë të shtrëngimit, dhunës dhe kanosjes, kishin ngritur një skemë përfitimi të paligjshme, duke u marrë pagesa çdo muaj bizneseve private, të cilat ushtronin aktivitetin në zonën e njohur si “Tregu i Zdrales” dhe “Rruga e Gjerë e Kirasit”.
Prokuroria për Krime të Rënda ka krijuar dyshime të arsyeshme se ky grup personash është i dyshuar për veprat penale të “shtrëngimit me anë të kanosjes për dhënie pasurie” dhe “krijimit të grupit kriminal”. Për shkak të specifikës së çështjes, hetimi disamujor është kryer nga Krimet e Rënda në Tiranë, në bazë të informacionit të përcjellë nga ana e Policisë së Shkodrës.
Në kuadër të këtij hetimi rezultoi se drejtuesit e këtij grupi kriminal angazhonin anëtarët e tjerë të grupit që, në çdo fund muaji të merrnin nga çdo tregtar në tregjet e sipërpërmendura shumat nga 1000 lekë deri në 3000 lekë të rinj.
