Shkencëtarët kanë arritur të zbulojnë virusin korona në grimcat e ndotjes së ajrit, dhe tashmë po hetojnë nëse kjo mund të lejojë përapjen në një distancë më të madhe dhe rritjen e numrit të të infektuarve.
Studimi është paraprak dhe është ende e paqartë nëse virusi që qëndron në grimcat e ndotjes së ajrit mund të shkaktojë sëmundjen.
Shkencëtarët italianë përdorën metodat standarte për mbledhjen e mostrave të ndotjes së ajrit në zonat urbane dhe industriale të Bergamos dhe identifikuan një gjen mjaft specifik të Covid-19 në mostra të shumta. Zbulimi u konfirmua edhe nga analizat e kryera në një laborator të pavarur, raporton The Guardian.
Leonardo Setti nga Universiteti i Bolonjës në Itali tha se është e nevojshme të hetohet nëse virusi mund të bartet më gjerësisht nga ndotja e ajrit, raporton newsbomb.al.
“Jam një shkencëtar dhe jam i shqetësuar kur nuk di”, tha ai. “Nëse e dimë do të marrim masa, por nëse nuk e dimë do të vuajmë pasojat”.
Edhe dy studime nga grupe të tjera kanë treguar se koronavirusi mund të përhapet nga grimcat e ndotjes së ajrit. Megjithatë këto studime janë paraprake.
