Katër persona janë vënë në prangat e Policisë së Kukësit pasi janë kapur duke shkëmbyer drogë me armë në Qafë Shllak.
Mësohet se të arrestuarit janë dy të rinj nga Puka dhe dy të rinj nga Kukësi, konkretisht: A. H., 33 vjeç, R. T., 23 vjeç, banues në Pukë, K. M., 25 vjeçe dhe F. M., 19 vjeç, banues në Shemri, Kukës.
Gjatë kontrollit të ushtruar nga policia, në automjetet e tyre u konstatuan dhe u sekuestruan në cilësinë e provës materiale rreth 3 kg lëndë narkotike, 2 armë tip automatik, si dhe rreth 900 fishekë.
Njoftimi i Policisë së Kukësit:
Operacioni nga Drejtoria Vendore e Policisë Kukës në bashkëpunim me SHÇBA-në dhe Prokurorinë e Rrethit Gjyqësor Kukës.
Arrestohen në flagrancë 4 shtetas.
Sekuestrohen drogë, armë zjarri e municione luftarake.
Strukturat e DVP Kukës, në bashkëpunim me SHÇBA-në dhe Prokurorinë e Rrethit Gjyqësor Kukës, në vijim të operacionit të koduar ‘Kopshti i Skacajve’, për goditjen e veprimtarisë kriminale në fushën e kultivimit dhe trafikimit të narkotikëve arrestuan në flagrancë 4 shtetas, konkretisht:
- H., 33 vjeç, R. T., 23 vjeç, banues në Pukë, K. M., 25 vjeçe dhe F. M., 19 vjeç, banues në Shemri, Kukës.
Në bazë të hetimeve të kryera rezultoi se këta shtetas do të këmbenin një sasi lënde narkotike, armatim dhe municion luftarak.
Shërbimet e Policisë të DVP Kukës kanë ndërhyrë në vendin e quajtur ‘Qafë-Shllak’ dhe kanë bërë të mundur ndalimin e këtyre shtetasve, të cilët lëviznin me mjetet tip ‘Benz’ dhe ‘Opel’.
Gjatë kontrollit të ushtruar nga policia, në automjetet e tyre u konstatuan dhe u sekuestruan në cilësinë e provës materiale rreth 3 kg lëndë narkotike, 2 armë tip automatik, si dhe rreth 900 fishekë.
Materialet do t’i kalojnë Prokurorisë së Rrethit Gjyqësor Kukës, për veprat penale ‘Prodhimi dhe shitja e lëndëve narkotike’ dhe ‘Armëmbajtja pa leje’.
