Është shkarkuar nga detyra drejtori i Qendrës Kulturore “Aleksandër Moisiu” në qytetin e Durrësit, Elio Bajramaj.
Mësohet se vendimi për shkarkimin e Bajramajt u mor nga Kryetarja e bashkisë, Valbona Sako.
Ky institucion do të drejtohet tashmë nga Laert Vasili, vendim ky që do të merret nga Këshilli Bashkiak këtë të premte.
Emërimi i Laert Vasilit në postin e drejtorit të Qendrës Kulturore “Aleksandër Moisiu” do të paraqitet të premten, më 27 shtator, duke kërkuar nga këshilltarët e Bashkisë miratimin e shkarkimit të Bajramajt nga drejtor i Qendrës Kulturore “Aleksandër Moisiu”.
