Ministria e Shëndetësisë ka njoftuar këtë të diel se është shënuar një viktimë në 24 orët e fundit në vendin tonë, duke e çuar numrin total të humbjeve të jetës nga Covid-19 në 2450.
Nga ana tjetër, 12 qytetarë kanë rezultuar pozitivë në 2170 testime të bëra në 24 orët e fundit. Që nga fillimi i pandemisë, 132.309 qytetarë shqiptarë kanë rezultuar pozitivë.
Nga këta, 129.308 janë shëruar, ndërkohë numri i rasteve aktive është 551.Aktualisht në spitalet COVID po trajtohen 42 pacientë, nga të cilët 7 pacientë janë në terapi intensive.
Njoftimi i ministrisë
Ministria e Shëndetësisë dhe Mbrojtjes Sociale ju bën apel qytetarëve të vijojnë të zbatojnë me përpikmëri rregullat për parandalimin e COVID19: Vendosni maskën mbrojtëse në çdo ambient të mbyllur dhe kudo ku nuk mund të ruhet distancimi fizik, kujdesuni për higjenën vetjake dhe vetëizolohuni kur dyshoni se jeni të prekur nga COVID19.
Situata e COVID19 në 24 orët e fundit është si vijon: Janë kryer 2,170 testime, nga të cilat kanë rezultuar pozitivë 12 qytetarë. Rastet pozitive të konfirmuara janë identifikuar në këto bashki: 5 raste në Tiranë, 3 raste në Berat, 1 rast në Shkodër, Vau Dejës, Elbasan, Sarandë.
Aktualisht në spitalet COVID po trajtohen 42 pacientë, nga të cilët 7 pacientë janë në terapi intensive.
Me gjithë përpjekjet e stafit mjekësor betejën me COVID19 nuk e ka fituar 1 qytetar nga Prrenjasi, 61 vjeç. Ministria e Shëndetësisë dhe Mbrojtjes Sociale i shpreh ngushëllimet familjes.
Në 24 orët e fundit janë shëruar 93 qytetarë, duke e çuar numrin e të shëruarve në 129,308 që nga fillimi i epidemisë.
Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes, për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.
Statistika (30 Maj 2021)
Raste të reja ditore 12
Të shëruar në 24 orë 93
Të shtruar në spitale 42
Humbje jete në 24 orë 1
Testime ditore 2,170
Testime totale 717,696
Raste pozitive 132,309
Raste të shëruara 129,308
Raste Aktive 551
Humbje jete 2,450
Shpërndarja gjeografike e rasteve aktive sipas qarqeve:
Tiranë 237
Korçë 75
Shkodër 67
Vlorë 31
Elbasan 29
Berat 37
Lezhë 25
Gjirokastër 16
Fier 7
Kukës 9
Durrës 14
Dibër 4
