Rreth orëve të para të mëngjesit të ditës së sotme shtetasi me inicialet Sh.M.,39 vjeç ka shkuar në spital për të marrë ndihmën mjekësore. Mësohet se 39-vjeçari ishte plagosur në këmbë.
Ky shtetas është konfliktuar me disa persona të tjerë në një lokal në afërsi të rrethrrotullimit të Saukut, dhe në rrethana ende të paqarta ka mbetur i plagosur me armë zjarri.
Shërbimet e Policisë kanë shoqëruar deri tani 12 persona dhe vijon puna për tu pyetur në lidhje me ngjarjen.
Ndërkaq i plagosuri ndodhet në kujdesin e mjekëve, jashtë rrezikut për jetën.
