Nje 26 vjeçar me iniciale U.Z ka rënë në prangat e policisë së shtetit pas një sherri mes tre të rinjve në qytetin e Maliqit.
Sipas njoftimit te policisë konflikti ka ndodhur për motive të dobët dhe si pasojë ka mbetur i plagosur një 23 vjeçar i cili aktualisht ndodhet nën kujdesin intensiv të mjekëve.
Gjithashtu ka filluar procedimi penal në gjendje të lirë për shtetasin 18 vjeçar, L.H.
Njoftimi i Policisë: “Specialistët e Seksionit për Krimet në Komisariatin e Policisë Maliq, bënë arrestimin në flagrancë të shtetasit: U.Z, 26 vjeç, si edhe filluan procedimin penal në gjendje të lirë ndaj shtetasit: L.H, 18 vjeç, banues në fshatin Kolanec. Ditën e djeshme në fshatin Kolanec dy shtetasit e mësipërm, janë konfliktuar për motive të dobëta me shtetasin M.K, 23 vjeç, banues në Klocë, ku gjatë konfliktit shtetasi U.Z, dyshohet se ka plagosur me send të fortë 23 vjeçarin, i cili ndodhet në Spital nën kujdesin intensiv të mjekëve, ndërsa shtetasi L.H, e ka kanosur.Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprat penale “Plagosja e rëndë me dashje” dhe “Kanosja”.
