Në një sherr masiv që ka ndodhur në Bazel dy net më parë ku katër persona kanë pësuar lëndime serioze dhe janë dërguar në spital. Policia ka ndërhyrë dhe ka arrestuar shtatë persona që ishin pjesë e sherrit.
Motivi i sherrit nuk dihet ende dhe është objekt i hetimeve, thotë prokuroria. Mësohet se të arrestuarit janë tre persona me shtetësi zvicerane, dy me shtetësi kosovare, një me shtetësi shqiptare dhe një tjetër, me shtetësi serbe. Të gjithë të përfshirët në konflikt janë të moshave nga 21 deri në 32 vjeç.
Nisur nga rrethanat e përshkruara të ngjarjes, nuk përjashtohet mundësia që të gjithë ose shumica e të përfshirëve të jenë shqiptarë por me shtetësi të ndryshme, përkatësisht nga: Zvicra, Kosova, Shqipëria dhe Serbia.
