Një sherr i dhunshëm ka ndodhur së fundmi gjatë festimeve për “Palio di San Michele” në Bastia Umbria të Italisë.
Agjentët e policisë kanë ndërhyrë në lagjen “San Rocco” dhe mësuan se disa djem shqiptarë kishin rrahur brutalisht dy persona.
Njëri prej tyre ishte goditur në kokë me dhunë, ndërsa tjetri me grusht dhe kishte rënë në tokë duke humbur ndjenjat. Sulmuesit më pas u larguan me një makinë me fuqi të lartë, duke humbur gjurmët.
Menjëherë policia ka lajmëruar punonjësit e shëndetësisë për trajtimin e nevojshëm. Më pas, dy viktimat e sulmit – të dy rreth të tridhjetave – bënë një ankesë.
Hetuesit, falë pamjeve të sistemeve të vëzhgimit me video dhe elementeve të mbledhura në kuadër të disa kontrolleve në shtëpi, arritën të gjurmojnë identitetin e tre prej pjesëmarrësve në përleshje, të gjithë me origjinë shqiptare – dy nga 19 vjeç dhe një 25 – i njohur për policinë.
Hetimet e mëtejshme bënë të mundur konstatimin se në përleshje kishte marrë pjesë aktive edhe një nga të dhunuarit. .
Për këto arsye të katër personat u referuan në Autoritetin Gjyqësor për veprën penale të zënkës së rëndë. Po vijojnë hetimet për identifikimin e personave të tjerë të përfshirë.
