Ditën e sotme në burgun e Avlonës në Greqi, një sherr i rëndë ka ndodhur mes të burgosurve ku mes tyre ka patur edhe shqiptarë.
Sipas mediave greke mësohet se janë plagosur 9 persona dhe ngjarja ka ndodhur si pasojë e një përleshje të egër, në të cilën janë përfshirë, të dënuarit grekë, shqiptarë dhe afganë.
Deri më tani bëhet e ditur se tre nga të plagosurit janë në gjendje kritike për jetën në spital.
Përplasja fizike ndodhi në katin e parë të burgut, por vazhdoi edhe gjatë kohës kur të burgosurit u kthyen në qelitë e tyre.
