IKMT ka zhvilluar aksion sot në Radhimë për prishjen një hoteli 3-katesh ne Radhimë. Sipas IKMT kjo ndërhyrje po bëhet nëpër objekte të cilat nuk janë klasifikuar nga procesi i legalizimit. Ndërkohë ndërhyrje është kundërshtuar nga pronarë të hotelit. Madje një prej tyre ka kërcënuar se do të hidhet nga tarraca. Vetëm pak më vonë nga kjo situatë ka reaguar avokati i pronarit. Ai shprehet se veprimet e IKMT janë në kundërshtim me ligjin për legalizimet. Ndërsa tha se personi që ai përfaqëson mund ta verifikojë lehtësisht se ka dokumente të sakta pronësie.
“Ne cilësinë e avokatit të shtetasit Hyrjet Havaraj ju bëj me dije procedurat e nisura na IKMT Tiranë për këtë shtetas kane nisur ne vitin 2019. Procedura te cilat janë ne kundërshtim me ligjin për legalizimin te vitit 2006, ligjin 107 te vitit 2017 si dhe Planin e Përgjithshëm vendor te viti 2017. Çdo veprim administrativ kaluar dhe i sotëm është totalisht i pa bazuar, korruptiv dhe klientelist. Nga ana e klientit tim i është vënë në dispozicion IKMT, ASHK dhe Bashkisë çdo dokumentacion që provon se Hyrjet Havaraj është pronar i ligjshëm i pasurisë. Për çdo sqarim dhe ballafaqim publik jam i gatshëm për të provuar se veprimet e 3 viteve të fundit te IKMT janë abuzive dhe korruptive”, tha ai. Kujtojmë se aksioni i IKMT është zhvilluar më shumë përplasje dhe janë detyruara të tërhiqen përkohësisht.
