Në periudhën nga 19 marsi në 1 qershor të këtij viti, 632 njerëz që kanë rezultuar pozitiv me coronavirus kanë vdekur në Serbi – më shumë sesa dyfishi I shifrave të deklaruara zyrtarisht (244 vdekje) në të njëjtën periudhë, raporton agjencia e lajmeve Birn nga të dhënat shtetërore të sistemit të informimit për covid-19.
Një tjetër e dhënë e vendosur në këtë sistem tregon gjithashtu që numri i njerëzve që janë infektuar në Serbi nga 17 qershori në 20 qershor është të paktën 300 në ditë.
Kjo është shumë larg të dhënave të lajmëruara zyrtarisht që flasin për maksimumi 97 raste në një ditë të vetme gjatë të njëjtës periudhë. Serbia mbajti zgjedhjet të dielën, në mes të një rritjeje të madhe të infektimeve.
Birn bëri një analizë të detajuar të të dhënave nga sistemi i informacionit, duke u fokusuar tek pacientët që kanë vdekur dhe që testet e covid 19 rezultuan positive.
Diferenca më e madhe në numrin e vdekjeve u vu re në qendrën klinike në Nis, ku sipas të dhënave zyrtare, 77 pacientë kanë vdekur nga covid19.
Megjithatë, të dhënat nga sistemi i informimit që Birn ka siguruar, tregojnë se janë 243 persona që kanë vdekur me rezultat testimi pozitiv me covid – 166 më shumë sesa ata që janë të regjistruar si vdekje nga covid.
Në qëndrën klinike Dragisa Misovic në kryeqytetin Beograd, numri I njerëzve që kanë vdekur që më parë kanë rezultuar pozitiv me covid-19, ishte 94, ndërkohë që shteti ka anoncuar vetëm 39 vdekje.
Në disa klinika të tjera në Beograd, ka ndryshime të mëdha të të dhënave të vdekshmërisë. Një total prej 32 personash që janë testuar pozitiv u raportuan zyrtarisht se kanë vdekur në qendrën klinike në Zemun, ku sistemi tregon për 88 të vdekur.
Në qendrën klinike Zvezdara raportohen 14 pacientë të vdekur me covid, por sistemi tregon 59 të vdekur.
Në qedrën klinike të Serbisë, zyrtarët thonë se kanë vdekur 33 persona, por informacioni shtetëror në database thotë se ka pasur 50 vdekje me pacientë të infektuar.
Në spitale të tjera në Serbi, ka gjithashtu ndyrshime të dukshme të numrave të pacientëve që zyrtarisht janë raportuar se kanë vdekur nga covid, edhe pse diferencat në shifra nuk janë shumë drastike. Në një rast 29 pacientë që kanë vdekur, nuk janë përmendur fare nga spitali.
Vdekja e parë nga covid-19 u regjistrua në sistemin e informacionit në 19 mars. Numri më i lartë i vdekjeve ishte në mes të prillit, me një të dhënë prej 20 personash që kanë vdekur në ditë, por kurba e vdekjeve filloi të bjerë më pas.
Në 12 prill, shteti anoncoi që 6 persona vdiqën me coronavirus, por sistemi i informacionit regjistron 23 vdekje që kanë testuar pozitiv.
Ditën e mëpasme, u anoncua vdekja e 5 pacientëve, por 23 vdekje janë regjistruar në sistem.
Në 15 prill, u tha publikisht se kanë humbur jetën 5 persona por sistemi tregon që ka pasur 20 vdekje.
Pasi u vendos gjendja e emergjenvës në 15 mars, serbët merrnin vesh të dhënat nëpërmjet konferencës për shtyp të stafit kombëtar të krizës, një institucion që drejtohet nga kryeministrja Ana Brnabic dhe që përbëhet nga ekspertë.
Konferencat përfunduan në 6 mars, kur gjendja e emergjencës u lirua, dhe publiki dhe media u ishte thënë të merrnin të dhënat nëpërmjet ëebsitit të covid-19, qe publikon të dhënat nga sistemi I informacionit shtetëror.
Pas rritjes së dyshimeve nga politikanët e opozitës dhe përdoruesit e rrjeteve sociale që numri mund të ishte më I madh sesa shifrat zyrtare, Birn dërgoi një informacion në 8 maj tek institute Batut, që menaxhon sistemin e informacionit për covid-19.
Birn kërkoi të dhënat e numrit të vdekjeve totale nga coronavirus dhe gjithashtu të dhëna se në cilat spitale kanë vdekur, cfarë gjinije dhe në c’moshë kanë qenë viktimat.
Në 16 qershor Instituti Batut më në fund i dërgoi Birnit të dhënat që ishin identike me ato që janë publikuar në website, dhe që tregonin se 244 njerëz kanë vdekur nga covid-19 nga 19 marsi në 1 qershor.
Birni disa herë u përpoq të merrte pergjigje të tjera nga drejtoresha e institutit Verica Jovanovic por ajo refuzoi të përgjigjet nga telefoni dhe personalishjt.
Në 18 qershor, një gazetar i Birn shkoi në Institute dhe kërkoi të takonte Jovanovic, por ajo sërish refuzoi të përgjigjej duke thënë se do të fliste me gazetarët në 22 qershor, në prezencë të një avokati. Edhe pse ishte vendosur takimi, Jovanovic refuzoi të takonte gazetarin e Birn, të hënën.
Birn u përpoq të kontaktonte ministrin e shëndetësisë dhe disa ekspertë të komitetit të krizës apo drejtorë të qëndrave klinike, por as ata nuk u përgjigjën.
Presidenti serb Aleksandër Vucic tha në 1 maj se Serbia nuk do të fshehë numrin real të vdekjeve nga coronavirus duke thënë se ata vdiqën për shkaqe të tjera. “Nuk do të fshehim asgjë, sic bëjnë disa të tjerë” tha Vucic. /Birn/
