Përfaqësuesja U-19 e femrave, e drejtuar nga Nevil Dede, pas humbjes 11-0 ndaj Skocisë, mundet 9-0 nga Serbia në “Selman Stërmasi”
Pas humbjes 11-0 nga Skocia, Kombëtarja U-19 e femrave u mund sot në “Selman Stërmasi” (m’u në mes të Tiranës së Re) edhe nga Serbia, këtë rradhë me një rezultat më të ngushtë, 9-0. Për ndeshjen e parë, trajneri Nevil Dede deklaroi se u tradhëtua nga tre futbolliste kosovare, të cilat u transferuan me përfaqësuesen e Kosovës pak përpara ndeshjes tonë me ishullorët, por një alibi tjetër ishte se futbollistet tona ishin dy vjet më të vogla në moshë, si dhe sipas Nevilit, skocezet i dukeshin si burra. Me Serbinë, pjesa e parë ka përfunduar 2-0 për kunërshtarët, ndërsa ajo që bie në sy është se kemi pësuar në të 80’, 84’, 86’, 87’, 88’, 90’, që i bie që vajzat tona gjatë kësaj periudhe kanë bërë vetëm rrugën vajtje-ardhje, nga porta e tyre, për të nxjerrë topin dhe deri tek qendra e mesit të fushës. Dhe duhet thënë se futbollistet serbe përveçse sportiste ishin shumë femra, ndërsa tonat në dy ndeshjet e para eleminatore të Euro 2017 kanë pësuar plot 20 gola.
