Tahiri: Vetëm në 2016-tën 29 jetë janë shpëtuar nga rripi i sigurimit
Sfida e këtij viti për policinë e shtetit është që të bindi çdo qytetar që udhëton me makinë të përdori rripin e sigurimit. Kështu u shpreh nga Durrësi ku ishte i pranishëm, Ministri i Brendshëm Sajmir Tahiri.
Në një aktivitet të organizuar për sensibilizimin e qytetarëve për vendosjes e rripit të sigurimit, Tahiri u shpreh se vetëm gjatë vitit 2016 janë shpëtuar 29 jetë qytetarësh për shkak të lidhjes së rripit të sigurimit.
“Policia Rrugore ka vijuar edhe masa sensibilizuese, por edhe me masa ndëshkuese për qytetarët. Janë gati 30 mijë qytetarë të ndëshkuar, pse nuk vendosin rripin e sigurimit”, tha Ministri.
Më tej Tahiri tha se duhet t’i japim fund përdoruesve të rrugës me makinë që nuk përdorin rripin e sigurimit.
