Gjykata e Lartë ka vendosur sekuestro preventive mbi llogaritë bankare të shtetasit Odhise Andrea, bashkëshorti i gjyqtares Majlinda Andrea, e akuzuar se ka marrë ryshfet 50 mijë euro për një vendim gjyqësor.
Bëhet fjalë për një shumë prej 50 mijë eurosh në emër të bashkëshortit të gjyqtares, ndaj të cilit është lëshuar urdhër-arresti.
“Nga hetimi i Prokurorise jane krijuar dyshime te arsyeshme se gjyqtarja Andrea ka marre, nepermjet bashkeshortit te saj, shumën prej 50 mije euro, nga disa persona, te cilet ishin pale ne nje proces gjyqesor civil ne Gjykaten e Larte.
Prokuroria e Pergjithshme kerkoi nga Gjykata e Larte vendosjen e sekuestros preventive mbi disa llogari bankare te Odhise Andreas ne vlere totale 50 mije euro (shume e njejte me ate qe dyshohet se eshte marre ne forme korruptive).
Llogarite bankare te bllokuara gjenden ne dy banka te nivelit te dyte. Kerkesa e Prokurorise se Pergjithshme u pranua nga ana e Gjykates se Larte mesditen e sotme”, thuhet në njoftimin e Prokurorisë.
Ndaj Odhise Andreas u lëshua urdhër-arresti më 16 korrik, pasi dyshimeve të arsyeshme se bashkëshorti i gjyqtares i kishte marrë 50 mijë euro më 11 korrik një shtetasi nga Saranda, i cili ishte në një proces gjyqësor në Gjykatën e Lartë për një sipërfaqe toke prej 40 hektarësh, vendimi për të cilën u mor në favor të tij më 12 korrik të këtij viti.
