Gjatë samitit të NATO-s që po mbahet në Bruksel, kryeministri Edi Rama është përballur për herë të parë me presidentin amerikan Donald Trump.
Njoftohet se mes tyre ka pasur një bisedë të shkurtër, ku është diskutuar për aleancën strategjike mes Shqipërisë dhe Shteteve të Bashkuara, Reformën në Drejtësi dhe luftën e përbashkët kundër ekstremizmit të dhunshëm.
Këtë takim e konfirmon edhe kongresmeni republikan i Floridës, Matt Gaetz, me anë të një letre. Ai thotë se është i lumtur për takimin mes tyre. Kongresmeni ishte në delegacionin e para një muaji që vizitoi Tiranën, e thotë se përgëzon kryeministrin për reformat.
Gjatë fushtës elektorale në SHBA, Rama ka kritikuar ashpër Trump duke shfaqur pëlqimin e tij për kandidaten demokrate Hillary Clinton.
Liderët e 28 vendeve anëtare përuruan godinën e re të Aleancës Atlantike në Bruksel, një ndërtesë prej 250 mijë m2 e cila ka kushtuar 1.1 miliardë euro.
