FIFA ka gjobitur Shqipërinë me 37.500 franga për dronin e ngritur në “Elbasan Arena” gjatë ndeshjes mes Shqipërisë dhe Hungarisë në kuadër të Botërorit, Katar 2022.
Droni i cili u ngrit mbi stadium mbante një mesazh për kryetarin e grupit të PS, Taulant Balla, të cilin kryeministri Edi Rama e largoi si drejtues nga ky qark duke e dërguar në Fier.
“Taulant Balla, Elbasani ty të do” ishte mesazhi në mbështetje të socialistit që valëvitej mbi dron, ndërsa i gjithë stadiumi shpërtheu në kor “Rama Ik!”.
