Pak minuta pasi ka nisur seanca parlamentare e kësaj të enjteje Basha ka penguar zhvillimin normal të saj.
Basha mori fjalën për procedurë në nisje të seancës dhe pasi i mbaroi koha, kreu i Kuvendit, Gramoz Ruçi, e ndërpreu.
Pas kvsaj deputetët e opozitës kanë bllokuar foltoren e Kuvendit dhe kanë shpalosur në sallë një banderolë të madhe, ku shkruhej: “Shqipëria si gjithë Europa, jo qeveri të krimit dhe drogës”.
Pas këtij momenti Rama është larguar nga salla, ndërsa fjala e Bashës është transmetuar live në Facebook.
Fjala e Bashës:
Nuk i caktova unë deputetët e kryetarët e bashkive, trafikantë, kriminelë, përdhunues, por i bëri Edi Rama. Të vërtetës nuk i ikën dot as ti, as Xhafaj dhe as qeveria juaj e lidhur kokë e këmbë me krimin. Ke humbur totalisht arsyen për të shpëtuar Fatmir Xhafajn. Vëllai i tij u largua me ndihmën e policisë. Ky është një veprim skandaloz. Ai u largua 10 orë pas përgjimit, kjo është prova. Fatmir Xhafaj dhe Rama ofruan gjithë infrastrukturën për ta pritur natën në Prokurori dhe për ta larguar. Fatmir dhe Agron Xhafaj funksionojnë si kokat e një familjeje kriminale.
Sot shteti ka rënë, pasi shkelet Kushtetuta për të mbrojtur Agron Xhafajn, shkelet ligji Antimafia, që u miratua për t’i dhënë garanci BE se Shqipëria do të kishte vullnetin për të goditur krimin dhe pasuritë e krimit.
Nëse dikush dyshohet, ka indicie, se është pjesëtar i krimit të organizuar apo se merret me trafik droge, pasuritë e tij dhe të familjarëve të tij verifikohen, sekuestrohen, dhe nëse nuk justifikohen, konfiskohen, thotë ligji Antimafia, që ka për qëllim të shkatërroj krimin e organizuar. Fatmir Xhafaj duhet t’i nënshtrohet kontrollit të pasurisë. Ministri është në parim subjekt i ligjit Antimafia, sepse vëllai i tij nuk është thjesht i dyshuar si trafikant droge, por është i dënuar si anëtar i një organizate ndërkombëtare, si një nga krerët e një organizate droge.
Këshillë për LSI dhe deputetët e saj, që duan të zbatohet rregullorja, me një Parlament që ka shkelur hapurKushtetutën, është njëlloj si t’i kërkosh krimit të marrë përsipër rendin dhe sigurinë. Kodi Penal ka rënë, ligji Antimafia ka rënë, ligji për Vettingun e Policisë ka rënë, sa kohë në ato karrige janë ulur Fatmir Xhafaj dhe Edi Rama, të cilët janë zbuluar para gjithë shqiptarëve e botës si hartuesit dhe zbatuesit e një skenari kriminal, që ka për qëllim të mbulojë veprimtarinë kriminale të Xhafajt në ndihmë të vëllait të tij, që është koka e drogës në Vlorë.
https://www.facebook.com/lulzimbasha.al/videos/1891485030902669/
