Drejtuesi i Asamblesë së PS-së, Gramoz Ruçi gjatë fjalës së tij tha se Rama do të jetë edhe kandidati për kryeministër.
“Si rregull partia që fiton zgjedhjet i bën propozimin Presidentit për kryeministër. Ne e kemi në statut që kryetari i partisë është kryeministër, por Presidenti nuk ka detyrimin të lexojë statutin tonë. Ne e kemi detyrimin që ta zyrtarizojmë sot”, tha Ruçi.
Gjatë fjalës Ruçi bëri një lapsus, që e kaloi me humor ku u shpreh se e Rama do të shkojë në Presidencë si kandidat për President në vend që të thoshte kandidatit për kryeministër.
“Si kandidat për president…”, qesh Ruçi, ndërsa shton se “na u bë mëndja president”.
