Kryeministri Rama njoftoi dje se prej 1 korrikut pensionistët do të marrin 2,8 për qind më shumë para. “Lajm i mirë për pensionistët”, thuhej sot në gazeta. Por sa do të marrin pensionistët më shumë?
Me të dëgjuar lajmin secili prej tyre ka bërë një llogari të vogël dhe dukshëm nuk ka rezultuar ndonjë lajm fort i mirë.
Me rritjen e bërë pensionistët do të marrin:
Merr 6000 lekë, rritja do të jetë 168 lekë;
Merr 7000 lekë, rritja do të jetë 196 lekë;
Merr 8000 lekë, rritja do të jetë 224 lekë;
Merr 9000 lekë, rritja do të jetë 252 lekë;
Merr 10000 lekë, rritja do të jetë 280 lekë;
Ndërsa për një pension 20000 lekë, rritja do të jetë 560 lekë.
Pra nga gjithë ky lajm i bujshëm, Rama dhe Ahmetaj kanë gëzuar pensionistët me një kafe më tepër në muaj dhe dy shishe ujë, meqë jemi në sezonin e verës.
