Ministria e Shëndetësisë konfirmoi sot 21 raste të reja, duke çuar në 539 numrin e të prekurve në total nga koronavirusi në Shqipëri.
Drejtoresha e Institutit të Shëndetit Publik Albana Fico dha lajmin e mirë se gjatë 24 orëve të fundit, 6 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 283.
Në daljen për mediat, Fico u shpreh se siç shihet edhe në kurbën e epidemisë vijojmë me rritjen e numrit të rasteve të shëruara të cilat për disa ditë rresht kalojnë numrin e rasteve të infektuara.
