Një ish-punonjës i OSHEE është ekzekutuar paraditen e sotme në qytetin e Rrëshenit.
Ngjarja ka ndodhur në një lokal rreth orës 9:35, ndërsa viktima është Saimir Jaku, i shkarkuar 1 javë më parë nga detyra e tij në OSHEE Rrëshen. Mësohet se Jaku mbante detyrën e drejtorit të tensionit të lartë për zonën e veriut.
Sipas dëshmitarëve, autorët kanë qenë 2 të maskuar që kanë hyrë në ambientet e brendshme të lokalit ku Jaku po konsumonte një kafe dhe kanë qëlluar me armë. Pasi janë siguruar se shënjestra është vrarë, autorët janë larguar me shpejtësi.
Nga 1 shtatori 2016 Jaku kishte kaluar në pozicionin e shefit të Sektorit të Asistencës Teknike Skada plus GIS në Drejtorinë Qëndrore të Tensionit të Lartë në Tiranë.
Në maj të 2016 ish kryeministri Sali Berisha denoncoi në profilin e tij në FB emërimin e Sajmir Jaku-t si drejtor i tensionit të lartë në veri. Sipas qytetarit dixhital drejtor është vendosur një person i ish dënuar ne Itali për drogë dhe pa arsimin përkatës.
