Disa hacker-a rusë kanë arritur të thyejnë serverin e sajteve amerikane. Sulmi është bërë ndaj Agjencisë Ndërkombëtare të Anti-Dopingut (WADA).
Disa kampionë amerikanë kanë justifikuar me certifikata prezencën e vlerave anormale të testeve të anti-dopingut në vigjilje dhe gjatë Lojërave të Rio 2016-ës. Dmth ata kanë përdorur rregullisht substanca të palejuara të justifikuara me certifikata të aprovuara apostafat për përdorim terapeutik.
Lista e emrave të publikuar është mjaft e rëndë. Në të përfshihen motrat Uilliams, talenti i gjimnastikës Sajmon Bajls (katër medalje ari në gjimnastikë) dhe ylli i basketbollit të femrave, Elena Delle Donne. Hacker-at kanë postuar më pas dokumente të marra në sektorin “confidential” të WADA-s, ku flitet për marrje substancash “të shpjeguara” nga vetë atletët me certifikata mjekësore. Në rastin e Bajlit, flitet për përdorim amfetamine “me recetë”.
Çështja e certifikatave mjekësore të prodhuara nga sportistët është kontroverse. Shpesh certifikatat janë pranuar, herë të tjera jo dhe kjo gjë ka sjellë pezullime dhe dënime nga aktiviteti në mënyrë të çrregullt.
E vërteta është se shpesh një certifikatë mjekësore që shpjegon nevojshmërinë e përdorimit të një substance, është përdorur për të fshehur pikërisht produktet e palejuara. WADA ajo që është thirrur për të dhënë një përgjigje.
