Deputeti i Lëvizjes Socialiste për Integrim, Petrit Vasili dorëzoi sot në Kuvend propozimin e tij që në projektbuxhetin e vitit 2022 të shtohen dhe 2 miliard lekë (16.5 milionë euro) për rimbursimin e barnave dhe shërbimeve mjekësore për qytetarët që u prekën nga COVID-19.
Ai sugjeroi se do të ishte më mirë që qeveria të shpenzojë 16.5 milionë euro për qytetarët sesa 23 milionë euro për një një km rrugë.
POSTIMI I PETRIT VASILIT
Sot në Kuvendin e Shqipërisë paraqita një Amendament në Projekt-Buxhetin e vitit 2022 duke kërkuar shtimin e 2 miliard leke(16.5 milion euro) për rimbusimin e barnave dhe shërbimet mjeksore për të sëmurët me Covid.
Vetëm në një muaj nga tetori në nëntor janë rreth 16 raste të reja me Covid sipas vetë shifrave zyrtare.
Në 22 muaj pandemi 180 milion euro kanë paguar shqiptarët nga xhepi.
Qeveria paguar vetëm 320 mijë dollarë për rreth 8 mijë persona nga 200 mijë të infektuar sipas shifrave të qeverisë, por numri real është të paktën 10 herë më i lartë.
Amendament i pakundërshtueshëm!
Kërkohen pra vetëm 16.5 milion euro për barna dhe shërbime për të sëmurët me Covid, pra shumë më pak se sa vetëm një km rrugë e këtyre që kushton deri 23 milion euro.
Po nuk e votuan rilindasit do të thotë se as një sëmundje, që po dërrmon shëndetin dhe parate e shqiptarëve nuk ju intereson fare përballë urdhërit të Edi Ramës.
