Qeveria mesa duket ka filluar masat për rihapjen e vendit në mënyre graduale pasi ka patur rënie të kurbës pandemike në vendin tonë.
Masat e marra për rihapjen e vendit edhe për këtë të hënë në datë 11 maj është parashikuar të ketë lehtësira të reja.
Ministrja e Shëndetësisë Ogerta Manastirliu me anë të një postimi në rrjetet sociale ka reaguar në lidhje me masat e reja të marra nga qeveria për rihapjen e vendit.
Deklarata e plotë:
Shtimi i zonave të gjelbërta, hapja e disa bizneseve dhe vetëkarantinimi në banesë për të gjithë të riatdhesuarit, ja rregullat e reja nga data 11 Maj. Nga dita e hënë data 11 Maj, shtohen si zonat të gjelbërta bashkitë: Lushnje, Patos, Roskovec, Korcë, Has, Kukes, Lezhë, Mirditë, Fushë-Arrez, Malësi e Madhe, Pukë, Vau Dejes, Kavajë dhe Vorë me të njëjtat rregulla.Në këto zona lejohet qarkullimi ndërqytetas brenda zonave të gjelbërta me automjet privat (duke lejuar udhëtimin e më shumë se dy personave të së njejtës familje) deri në orën 21:00.
Ndërkohë që mbeten në fuqi rregullat që ndalojnë grumbullimin e më shumë se pesë personave, aktivitetet kulturore dhe sportive të cdo lloji dhe transporti publik si dhe njësitë ekonomike ende të mbyllura.Po kështu, nga data 11 Maj lejohen të ushtrojnë veprimtari sipas protokolleve strikte të sigurisë,me të cilat bizneset janë njohur përgjatë kësaj kohe, aktivitetet si më poshtë, klinikat dentare, parukeri, berber dhe dyqanet në qendrat tregëtare.
Theksojmë se është shumë I rëndësishëm zbatimi I distancimit fizik dhe kushteve të higjenës në këto aktivitete biznesi, ku ashtu sic po realizohet në vijimësi, task forca do të vijojë kontrollin për zbatimi e protokolleve të sigurisë. Duke filluar nga data 11 Maj të gjithë të riatdhesuarit do të vetëkarantinohen në banesë.
https://www.facebook.com/OgertaManastirliu/videos/1109702909413978/?t=3
