Rezoluta/ Parlamenti Europian i vendos Shqipërisë zyrtarisht 15 kushte*

0
427

Për herë të parë në historinë e tij, Parlamenti Europian i ka vendosur Shqipërisë 15 kushte, që duhet të plotësohen para se të mblidhen për konferencën e përbashkët.

Katër ditë më parë, Grupi Parlamentar PPE dorëzoi një amendament për rezolutën mbi Ballkanin Perëndimor, e cila u miratua sot në plenaren e Parlamentit Europian.

Rezoluta e hartuar nga socialisti kroat Tonino Picula është e përgjithshme dhe nuk përmend kushtet, të cilat BE i caktoi qeverisë Rama në mars 2020.

Kjo rezolutë është miratuar mbrëmjen e sotme me 388 vota pro, 280 vota kundër dhe 19 abstenime.

Parlamenti Europian mbrëmjen e sotme (18 qershor) miratoi amendamentin e Grupit të Partive Popullore Europiane.

Amendamenti i firmosur nga eurodeputetja Kinga Gal, raportere e PPE për këtë rezolutë me kërkesën e raporterit për Shqipërinë, David Lega e me pëlqimin e koordinatorit Michael Gahler, cilëson se Parlamenti Europian: “Thekson 15 kushtet e caktuara nga Këshilli i Bashkimit Europian që Shqipëria duhet të ketë përmbushur përpara thirrjes Konferencës Ndërqeveritare të parë me shtetet anëtare”.

* Karikatura nga Kosta Raka

Lër një përgjigje

Ju lutem lini komentin tuaj!
Ju lutem vendosni emrin këtu

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.