Në fund të shkurtit, transmetuesi publik australian ABC përcolli një reportazhi 45-minutësh për shpërthimin e epidemisë së koronavirusit në Wuhan të Kinës, dhe se si u shfaq një pandemi globale.
Në reportazh gjithashtu mund të shihen disa pamje të papara nga Wuhan-i në karantinë, ku shfaqet dhe policia duke u marrë me ata që dyshohet se janë infektuar, përfshirë edhe gazetarë të huaj që mbulojnë Kinën për media të tilla si BBC.
Theksohet se Wuhan është një qytet me 11 milion banorë, plot studentë nga e gjithë bota dhe është një qendër trafiku, e cila gjithashtu ka përshpejtuar përhapjen e virusit.
Reportazhi gjithashtu thoshte se politikanët lokalë në Wuhan fillimisht e kanë fshehur epideminë dhe kanë kërcënuar mjekët vendas që të mos flasin publikisht.
Aty trajtohet dhe fati i doktor Li Wenliang, një nga të parët që paralajmëroi për koronavirus dhe i cili përfundoi duke u marrë në pyetje nga policia. Li Wenliang vdiq nga infeksioni që mori përmes një pacienti që po kurohej dhe vdiq në 7 shkurt të këtij viti./abcnews
