Është rënduar situata nga zjarri në Lezhë. Pak më herët u raportuan dy vatra zjarri, ku një prej tyre ndodhej shumë pranë qytetit. Burimet bëjnë me dije se një vatër zjarri është ndezur në malin e Balldrenit në Lezhë. Për shkak të erës së fortë zjarri është shumë pranë zonë së banuar dhe bizneseve. Zjarri i është afruar lagjes “Nënë Tereza” të qytetit të Lezhës.
janë në pune dy zjarrfikëse, zjarri po favorizohet nga era dhe bimësia e shumtë në zonë. Në ndihmë u kanë ardhur edhe banorët, ndërsa zjarri u është afruar shtëpive. Po ashtu një zjarr i madh në fshatin Piraj të Lezhës ka përfshirë linjën hekurudhore. Deri tani janë shkrumbuar traversat prej druri në një gjatësi prej 500 metrash. Në rrezik janë dhe disa banesa në këtë fshat pasi era ka favorizuar flakët duke i përhapur në disa drejtime.
