Konferenca e Kryetarëve është mbledhur sot për të diskutuar për proçedurat e paketës së reformës në drejtësi. Po sot, në seancën plenare të Kuvendit do të vendoset për futjen ose jo në kalendarin e punimeve të paketës kushtetuese që lidhet me reformën në drejtësi.
Këshilli i Rregullores dhe Mandateve, i mbledhur të mërkurën në mbrëmje, nuk arriti të marrë një vendim gjatë interpretimit të kërkesës së mazhorancës që kërkonte futjen në kalendar të draftit të reformës në drejtësi dhe miratimin e saj brenda datës 15 korrik.
Opozita e kundërshtoi, pasi sipas saj, paketa kushtetuese po përfshihet në proçedurat parlamentare në mënyrë të njëanshme dhe pa konsensus.
