Pavarësisht se ndërkombëtarët në Tiranë dukeshin optimistë që do arrihej një marrëveshje për Reformën Zgjedhore, tryeza e djeshme nuk prodhoi marrëveshje.
Burimet thonë se Edi Rama është tërhequr nga marrëveshja tek gdhihej e djela, e arritur në orën 2 të mëngjesit.
Premtimi ishte bërë para përfaqësuesve amerikanë dhe britanikë.
Rama kishte premtuar marrëveshje për identifikimin biometrik dhe praninë e katër vëzhguesve politikë në çdo komision.
Por, teksa Edi Rama ka udhëtuar drejt Francës me avion privat, marrëveshja ka rënë. Përfaqësuesi i PS-së, Damian Gjiknuri ka tentuar ta kontaktojë, por ka dalë duarbosh.
Tani, pritet se si do shkojë fati i Reformës Zgjedhore. Palët do të vazhdojnë sërish, kurse ka sinjale se do tentohet përsëri konsensusi.
/syri.net/
