Mësohet se të hënën, komisioni i Reformës në Drejtësi do të nisë diskutimin e ligjeve të posaçme që shoqërojnë ndryshimet në Kushtetutë në funksion të materializimit të reformës në drejtësi.
33 deputetë të maxhorancës kanë nënshkruar pak më parë draftin me ndryshime në Kushtetutë.
Në bazë të Kushtetutës për të ndryshuar dokumentin themeltar nevojitet nisma 1/5 të deptetëve të Kuvendit, ose thënë ndryshe 28 prej tyre.
Në bazë të rregullores në seancën e parë pas dorëzimit të këkresës, kryetari i Kuvendit njeh të gjithë deputetët me të dhe më pas vijon diskutimin e neneve të paketës kushtetuese.
Firmosja e nismës për ndryshimet kushtetuese nga 33 deputetët e materjalizon reformën në drejtësi edhe pse opozita e ka bërë të qartë se nuk bie dakord me këtë draft që nuk merr në kosnideratë kërkesën e saj për të përfshirë vendet e rezervuara për 4 institucionet e reja të drejtësisë. Një kërkesë që ajo thotë se parashikohet në nenin 88 të draftit të ardhur nga Komisioni i Venecias.
Firmat e para në kërkesë mbajnë autorësinë e anëtarëve të Komisionit të Reformës në Drejtësi, Mimoza Hafizi renditet pas tyre, Namik Dokle, Pandeli Majko, Erjon Braçe, Shkëlqim Cani, etj,.
Javën që shkoi pati një debat në lidhje me përfshirjen në kalendar të paketës kushtetuese në Kuvend. Kryetari Ilir Meta deklaroi se ishte një lapsus ndërsa opozita kishte njoftuar padi penale ndaj administratës se Parlamentit dhe shumica duket se tani ka shfrytëzuar mekanizmin kushtetues, atë të kërkesës me 28 firma deputetësh për të future në procedurë parlamentare paketën e ndryshimeve kushtetuese.
Deputetet që nënshkruan draftin
1-Fatmir Xhafaj
2-Vasilika Hysi
3-Petrit Vasili
4-Pandeli Majko
5-Ulsi Manja
6-Vexhi Muçmataj
7-Valentina Leskaj
8-Dashamir Peza
9-Pjerin Ndreu
10-Rakip Suli
11-Namik Dokle
12-Alfred Peza
13-Xhemal Qefalia
14-Tahir Muhedini
15-Blerina Gjylameti
16-Fatmir Toçi
17-Musa Ulqini
18-Olta Xhacka
19-Enkeleda Shamku
20-Aurel Xhindi
21-Ervin Koçi
22-Artan Gaç
23-Mimoza Hafizi
24-Namik Kopliku
25-Esmeralda Shkjau
26-Shkëlqim Cani
27-Ervin Bushati
28-Gebtian Bejko
29-Shkëlqim Troplini
30-Evis Kushi
31-Blendi Klosi
32-Klodiana Spahiu
33-Erion Braçe
